Huset frå forrige oppgåve skal fullførast og presanterast med planteikningar, fasadeteikningar, snitt, 3D-bilder og detaljer.
Det første eg sette i gang med var å rette opp i det eg fekk kommentarar på i forrige innlevering. Det var ein del vegger som ikkje var knytt til taket over, taket var ikkje skore til der skorseinen gjekk igjennom, og eit par andre ting.
Vidare begynte eg å definere rom og setje tag på dører og vindauge.
Eg laga til oppsettet for dei ulike sidene.
Så var det målsetting
Og render
Etter alt var printa til dwf laga eg ein kopi av revit-fila for å gjere nokre endringar på måla på huset.
Det vart nokre feilmeldingar på veggarsom overlappa kvarandre, men ellers såg det ut til eg hadde gjort det meste rett under modelleringa.
Som tidlegare har eg bomma litt med planlegginga.
Enkelte oppgåve gjekk leikande lett og eg brukte mindre tid enn planlagt, medan andre igjen tok mykje meir tid enn eg hadde trudd.
Dette kjenner eg godt igjen frå arbeidslivet. Det er vanskeleg å forutsjå om ein møter på utfordringar som tek lenger tid å løyse, medan andre gonger kan det som ser ut som ein stor og vanskeleg jobb vise seg å vera enkel.
I denne oppgåva skulle me modellere eit hus ut frå nokre gamle teikningar.
Eg byrja med å planlegge heile jobben; delte den opp i ulike kategoriar og oppgåver og beregna kor mykje tid eg ville bruke på dei ulike oppgåvene.
I Revit starta eg med å opprette eit nytt prosjekt og legge inn grid og levels. Høgdemåla på fasadeteikningane var ikkje så lette å lese, så eg tilpassa slik at det såg nokonlunde rett ut.
Deretter laga eg nye vegger som eg la til i familien.
For å gjere det litt lettare la eg inn bilete av planteikningane for å teikne over.
Med veggane på plass gjeld det å få inn fundament og etasjeskiller.
Trapp må ein ha mellom etasjene.
Så oppretta eg nye dører og vindauge tilpassa oppgåva, og sette dei inn.
Tak og skorstein kom på plass til slutt. Teikningane var ikkje lett å lese, så eg tilpassa altanen i 2. etasje etter alt anna.
Så var det å plassere alt i terrenget. Her la eg òg inn biletet for å teikne kotelinjene.
Sette inn nokre konseptbygg for å visa huset i nabolaget.
Det eg brukte mest tid på (og bomma mest på planlegginga med) var terrenget. Det tok mange forsøk før eg klarte å unngå å få bakken gjennom veggene, men til slutt gjekk det.
Det var artig å bli kjent med Revit. Eg saknar den utfyllande kommandolinja til AutoCad, og frustrasjonen vart stor over mangelen på snapping og nokre andre småting, men det er nok berre tilvenning.
Siste modul før sommarferien!
Denne gang er det til bake til 3dsMax og animering.
I oppgåva skal me bruke messestanden me modellerte til CADHP1, og importere alle andre småting me har laga til no.
Dag 1
Det første eg tok tak i med modellen min var lyssetjinga. Den var ikkje god nok i semesteroppgåva, og skulle det bli OK kvalitet på animasjonen måtte eg endre på den.
Eg tok òg ei opprydning i hirearkiet for å gjere animeringa lettare.
Så var det å leite fram alt eg har laga gjennom kurset. Sidan eg har jobba på tre ulike pcar, der ein har blitt formattert, var det lettare sagt enn gjort. .
Dag 2
Det var ikkje så mykje eg fann som var brukande, men litt er betre enn ingenting.
Så var det å få importert og skalert alt:
Fleire av objekta mangla material og vart heilt svarte når dei vart importert.
Eg endra òg litt på materiala eg hadde lagt på messestanden sidan eg ikkje var heilt nøgd med dei.
Stemningsbilde
Dag 3
Eg prøvde å setje bilete av det eg har gjort tidlegare i kurset som material på skjermane, men det fekk eg ikkje til. uansett kor mykje eg prøvde ville ikkje biletet visast. Så då vart løysinga å ha svarte skjermar.
Animeringa gjekk egentlig ganske lett. Eg Starta med å setje ein key på siste frame der heile modellen var samansatt, for så å flytte meg til fyrste frame og flytte alt ut av biletet.
På Graph editor flytta eg på dei ulike linjene slik at tinga kjem inn i animasjonen på ulik tid.
Så var det å lage ein preview, men det gjekk ikkje heilt etter planen. uansett korleis eg endra på innstillingane vart den sjåande slik ut:
Rendering var ingen leik, på 50 minutter hadde eg fått ut ein film eg vart sånn tåle nøgd med:
Oppgåva i denne modulen byggjer vidare på espressokanna frå forrige modul.
Eg tjuvstarta litt og samanstilla kanna med skruer og mutrer allereie i forrige modul, men eg hadde valgt feil type skruer.
I første omgang måtte eg gjere litt endringer på dei ulike delene for å få dei rett i forhold til den nye malen.
Underdelen måtte hules ut
Filterhus
Litt justeringer på kannen òg
Filter med alle hulla
Etter alle justeringer var det å ordne alle constraints i sammenstillinga for at ingen deler skulle vera bevegelege. Dette var noko eg sleit med i forrige modul, skruene og over- og underdel ville ikkje låsast i posisjon. Men etter litt styr fann eg ein fin teknikk.
Oppdatert sammenstilling. Handtaket har òg fått litt forandring.
Samanstillinga er dratt fra kvarandre for å lage animasjon
Alle delene vart samanstilt i ei teiknefil med den ekspolderte samanstillinga og stykkliste på første sida.
Sjølv om det er enno nokre ting eg ikkje får til er eg framleis veldig begeistra over Inventor! :)
Eksamen er overstått, og eg er strålande nøgd med resultatet, med tanke på at alt vart gjort på ei veke.
No er me i gang med siste semester, og sjølvsagt òg ny programvare.
CAMm1 Gjer oss innføring i Inventor, eit 3D-program eg vart veldig glad i med ein gang. Det gjer meg modelleringsmuligheter (og -friheter) som eg ikkje fann i AutoCAD, det er rett og slett lettare å modellere i.
Oppgåva i denne første modulen var å modelere ei espressokanne ut frå ei visningsfil me kunne målsetje:
Eg starta med underdelen:
Sjølve kanna vart det litt styr med, tuten streva eg mykje med å få til rett - før eg gav og og såg på "fasiten" som var lagt ved oppgåva. Eg fekk iallefall prøvd meg på å setje Workface i mange ulike retningar.
Handtaket var ei utfordring med det at målsetjingsfunksjonen i Design Review ofte lever sitt eige liv. Det er ikkje alltid like lett å få tak i dei punkta ein vil målsetje frå, og om ein endeleg gjer det viser den ei heilt anna måleretning enn du håpa på. Etter litt knot fekk eg no til slutt dei måla eg følte eg trengte for å modellere den til å sjå lik ut.
Dekselet og "knotten" til dekselet gjekk fort å lage.
Så var det samanstillinga. Her skal alt setjast fully constrained slik at dei ikkje kan flyttast rundtom. Det var enkelt med alle delane utanom mutrene og skivene.
Eg likte godt å jobbe i Inventor. Det er eklare å bruke enn 3D-funksjonen i Autocad, og det gjer nok mange fleire mogelegheter òg.
For ei veke sidan skjedde det som absolutt ikkje må skje når ein jobbar med ei oppgåve; Alt var vekke!
Eg hadde oppgåva på ei minnepenn for å gjere flyttinga mellom ulike pcer så enkel som mogeleg. Problemet var at eg ikkje òg hadde lagra ein backup på f.eks Google Disk. Då minnepennen forrige torsdag ikkje viste teikn til liv vart eg mildt sagt stressa.
Ein mail til lærarane oppklara at eg måtte berre begynne på nytt og prøve å produsere så mykje som mogeleg og levere det eg greidde. Som sagt, så gjort - den siste veka har eg jobba omtrent kvar ledige stund utanom jobb, og her er resultatet:
Som før eg mista alt begynte eg med å modellere møblene. Då tidspresset vart så stort som det vart tok eg meg rett og slett ikkje tid til å ta skjermbilete, så alt eg har å vise til no er renderbileta.
Vidare modellerte eg plattformen og fekk sett på boligmodulen og trosserene på den for layout.
Eg laga ein ny kopi der eg sette inn alle møblene også og fekk plassert dei nokonlunde som på bilete er modellerte ut frå.
Samanstillingsmodellen importerte eg til 3ds Max der eg begynte å tileigne den ulike material. Alle skjermer, bilete og led-lys fekk sjølvlysande material på seg. Av ein eller annan grunn får eg ikkje til å legge på bilete på sjølvlysande material. Eg sleit med dette tidlegare i studiet òg, og har ikkje funne ut av det. Løysinga no vart å legge bileta til i Photoshop etter rendering. På presentasjonsbilete gløymte eg rett og slett å legge til "modellen" i glassmonteret.
Bileta eg har brukt er henta frå GMS si nettside og ved eit bilde-søk på "Gulf Marine Services"-bilder.
Eg sette òg nokre lyskilde over standen for å etterlikne lys ein ofte finn i ei messehall. Desse er frittståande lyspunkt som ikkje er tilknytt nokre lampar eller liknande. Igjen var det tida som førte til denne løysinga.
Eg brukte ein del tid å å finne rette renderinnstillingar. Dei er ikkje perfekte, men gode nok i dette tilfellet.
Animasjonen sette eg på rendering over natta (estimert tid var 4t 30min), men like før den var ferdig låste 3ds Max seg og eg mista alt. Difor vart animasjonen min preview i stadenfor ein god render-animasjon.
Hadde eg hatt betre tid ville eg nok fått til lyssetjnga betre, og greidd å gjengje materiala og strukturane tydlegare i renderbileta. Eg ville ?og hatt med mykje fleire detaljar og lagt meir tid i etterbehandlinga av bileta. Med tanke på utgangspunktet mitt er eg uansett nøgd med resultatet. No håpar eg berre det står til godkjenning. :)
