Oppgåve CAVm1

Me har bevega oss frå AutoCAD til 3ds Max som òg er eit Autodesk-program.

I denne oppgåva skulle me møblera og setje material og lys i stova i 1. etasje på eit ferdig modellert hus.

Eg begynte med å modellere sofaen i AutoCAD, for så å importere den til 3ds Max.
Ellers brukte eg nokre av møblane me har fått gjennom øvelsene og henta nokre frå nettet.

Stiligt hus.

Nokre møbler er komme inn.

Eg la inn lamper og plasserte lyskjelder i dei for å lyse opp rommet.

Litt fleire møblar og pyntegjenstander har eg henta frå internett.

Lys i vegglampene, men resten av rommet vart veldig mørkt.

Her har eg lagt til lys i alle lampene.
Eg plasserte ei lampe over flygelet òg for å få nok lys i rommet til animasjonen.

Eg sette opp nokre kamera for å rendre bilder, og eit walkthrough-kamera for å lage ei animasjon. Eg er enno ikkje ekspert på å få splinen som kameraet følger heilt jevn, så litt hakking vert det.Det tok alt for lang tid å rendre ein animasjon (over 50 timar for å unngå kornete bilder!), så i denn oppgåva nøya eg meg med previewen.

Eit par renderbilete frå ulike vinkler:

Rendertid 20 min

Rendertid 30 min

Ein liten videosnutt:

Oppdatering på studiet, og ny jobb!

Tida går fort når ein har det moro, og plutseleg har ein vore gjennom 7 modular. Blogging er ikkje noko som fell meg naturleg, så det har gått heilt i gløymeboka.
I mellomtida har eg òg fått meg ny jobb. Enno som teknisk teiknar, men no for JM Hansen Installasjon i Tromsø. Det er svært annleis å jobbe for byggebransjen enn oljebransjen, men veldig spanande. Eg har lært enormt mykje dei få månadane eg har jobba her, og vil lære enno meir i tida framover.

Det har vore veldig spennande å følga studiet, sjølv om PC-en sin kapasitet har vore kjelde til frustrasjon opp til fleire gonger.

Ein kjapp oppsummering på korleis det har gått så langt, og kva eg har gjort:

2D-biten gjekk (som forventa) veldig bra. Sjølv om eg ikkje har brukt AutoCAD sidan 2006 fann eg fort ut av ting. Og det reint teiknetekniske føler eg at eg har inne etter 10 år.
Det vart litt verre då me byrja med 3D-moddelering, dette òg i AutoCAD. PC-en som eg hadde brukt masse tid og pengar på å finne viste seg å ikkje heilt takle det så bra. No skal det seies at AutoCAD ikkje er eit optimalt 3D-program, så eg satsar på det var ein kombinasjon der.

Her er nokre oppgåver eg har jobba med sidan sist:


CADm3:

CADm4:

 CADm5 (Her har eg modellert det eg teikna i CADm3):

CADm6:

Her frista det veldig å teikne inn el-installasjon òg då det er det eg gjer i nye-jobben :)


No er eg på nest siste oppgåve i første semester (eller første år for oss som tek dette på deltid).
Me har bevega oss frå AutoCAD til 3Ds Max. I neste innlegg skal eg vise litt meir om det.

Første innlevering - SketchUp-modell

Studiet er rett på sak, og allereie fyrste innlevering er å laga ein modell i SketchUp.
Eg bestemte meg for å laga ein modell av leiligheta.

Det fyrste eg laga var ei planteikning der eg merka av kor dører og vindauge skal plasserast. Dei einaste glasa eg ikkje har lagt inn er dei i den innglassa balkongen.

 Vidare trekte eg opp veggane og fekk på plass vindauge og dører. Vindauga og verandadøra har eg laga sjølv med verktøya i SketchUp, og dørene har eg henta inn frå 3D Warehouse.

Altandøra og soveromsvindauga

Sidan eg fekk det litt travelt med denne oppgåva valgte eg å hente inn møblene frå 3D Warehouse. Det einaste eg har laga til sjølv er kjøkkenbenken. Det var litt knotete å finne ut av korleis eg kunne bruke dei ulike elementa, spesielt når kjøkkenskapa kom inn som ein heil blokk. Men litt prøving og feiling (og erfaring frå andre program) fekk eg det til. Det er ikkje alle settpunkta som er like lette å få tak i når veggar og andre møblar er i vegen, men med tolmod gjekk det til slutt.

 

Alle skapa kom i modellen som ein blokk.

Eg merkar at erfaringa frå programma eg bruker på jobb gjorde det lett å setje seg inn i navigeringa i SketchUp. På jobb er eg vane med å bruke scroll-hjulet på musa aktivt for navigering, og heldigvis er det på same måte her. Det er ikkje alle funksjonane som er sjølvforklarande for meg, men det kan ha med at eg ikkje er vane med å jobbe med 3D. Før eg byrja modelleringa såg eg gjennom tutorial-videoane til SketchUp på Youtube, noko som hjalp meg godt igang.

Kva er eigentleg DAK?

Enkel plan og fasadeteikning eg laga for ei bekjent.

DAK står for dataassistert konstruksjon, eller på engelsk: Computer aided design (CAD). Det er eit uttrykk for all teknisk teikning og konstruksjon som er utført ved hjelp av datamaskinbaserte program eller reiskap. Ingeniørar, arkitektar og andre typar designere innan ulike industriar og fag er brukarar av desse programma.

Som med mykje anna er det eit hav av program å velge i.
Ved 2D teikning er Bentley MicroStation mykje brukt i oljebransjen i Norge, men òg Autodesk AutoCAD utrbeidd. For 3D-modellering er Aveva PDMS og SolidWorks mykje brukte program.



MicroStation er det programmet eg bruker i jobben min.

Innanfor byggebransjen vert det stadig meir bruk av BIM.
BIM står for bygningsinformasjonsmodellering og består av digitale modeller av bygg. Kvart fagområde (bygg, elektro, VVS, rør osv.) har sin modell, men desse kan òg kombinerast i ein tverrfagleg BIM.




Det er mykje ein kan bruke 3D-modellering til, som for eksempel då me laga ei pepperkakeversjon av Aasta Hansteen til den lokale pepperkakebyen. (Designer er Terje Isaksen)

Slik vart resultatet. Alt utanom innsida av sparen kan etast.

Kjelder:
https://no.wikipedia.org/wiki/Dataassistert_konstruksjon
https://no.wikipedia.org/wiki/Bygningsinformasjonsmodellering

Studiestart

Allereie første veka fekk eg kjenne på presset med å vera deltidsstudent ved sidan av full jobb.
Sidan eg jobbar på dagtid er eg nøydd å gjere unna alt studieretta arbeid på kvelder og i helger. Det var ikkje så lett då eg møtte svært korte tidsfrister og overtidsarbeid på jobb, og fredag til søndag var sett av til konferanse med fagoreninga (FLT).
Men erfaringa mi seier at eg jobbar best under press, og eg er allereie godt i gang med oppgåvene, så dei neste dagane vert det posta fleire innlegg her på bloggen.
Det er godt å vera i gang!